ಕೊಪ್ಪಳ : ಬರಗಾಲ ಛಾಯೆಯಿಂದ ರೈತರ ಆತಂಕದ ನಡುವೆ ಇಂದು ತುಂಗಭದ್ರಾ ಯೋಜನೆಯ 126ನೇ ಸಲಹಾ ಸಮಿತಿ ಸಭೆ ಸಚಿವ ಶಿವರಾಜ್ ತಂಗಡಗಿ ಅಧ್ಯಕ್ಷತೆಯಲ್ಲಿ ಮುನಿರಾಬಾದ್ ನಲ್ಲಿ ಜರುಗಿತು.
ಈ ಸಭೆಯಲ್ಲಿ ಕೊಪ್ಪಳ ಬಳ್ಳಾರಿ ರಾಯಚೂರು ವಿಜಯನಗರ ಜಿಲ್ಲೆ ಶಾಸಕರು ಸಂಸದರು ವಿಧಾನ ಪರಿಷತ್ ಸದಸ್ಯರು ಹಾಗೂ ವಿವಿಧ ಜನಪ್ರತಿನಿಧಿಗಳು, ರೈತ ಮುಖಂಡರು ಭಾಗವಹಿಸಿದ್ದರು.
ಈ ಸಭೆಯಲ್ಲಿ ಮುಂಗಾರು ಬೆಳೆಗೆ ಇಂದಿನಿಂದ 90 ದಿನಗಳವರೆಗೆ ವಿವಿಧ ಕಾಲುವೆಗಳಿಗೆ ನೀರು ಬಿಡಲು ತಿರ್ಮಾನವಾಗಿದೆ.
ತುಂಗಭದ್ರಾ ಎಡದಂಡೆ ಮುಖ್ಯ ಕಾಲುವೆಗೆ ಇಂದಿನಿಂದ 90 ದಿನಗಳ ಕಾಲ ಅಂದ್ರೆ ನವೆಂಬರ್ 10 ವರೆಗೆ 4100 ಕ್ಯೂಸೆಕ್ಸ್ ನೀರು ಬಿಡಲಾಗುತ್ತದೆ.
ತುಂಗಭದ್ರಾ ಬಲದಂಡೆ ಮೇಲ್ಮಟ್ಟದ ಕಾಲುವೆಗೆ 90 ದಿನಗಳವರೆಗೆ 1200 ಕ್ಯೂಸೆಕ್ಸ್ ನೀರು.
ತುಂಗಭದ್ರಾ ಬಲದಂಡೆ ಕೆಳಮಟ್ಟದ ಕಾಲುವೆಗೆ 90 ದಿನಗಳವರೆಗೆ 650 ಕ್ಯೂಸೆಕ್ಸ್ ನೀರು.
ರಾಯ ಬಸವಣ್ಣ ಕಾಲುವೆಗೆ ಡಿಸೆಂಬರ್ 10 ವರೆಗೆ 180 ಕ್ಯೂಸೆಕ್ಸ್ ನೀರು.
ತುಂಗಭದ್ರಾ ಎಡದಂಡೆ ಮೇಲ್ಮಟ್ಟದ ಕಾಲುವೆಗೆ 25 ಕ್ಯೂಸೆಕ್ಸ್ ನೀರು.
ಇಂದಿನಿಂದ ಅಗಸ್ಟ್ 17 ವರೆಗೆ ತುಂಗಭದ್ರಾ ನದಿಗೆ 500 ಕ್ಯೂಸೆಕ್ಸ್ ನೀರು ಬಿಡುವ ತಿರ್ಮಾನ ಆಗಿದೆ.
ಮುಂದಿನ ನೀರಾವರಿ ಸಲಹಾ ಸಮಿತಿ ಸಭೆ ಸೆಪ್ಟೆಂಬರ್ 10 ರಂದು ಜರುಗಲಿದೆ ಎಂದು ತಿಳಿದು ಬಂದಿದೆ.