ಕೊಪ್ಪಳ : ಈ ಸಲದ ಬಜೆಟ್ ನಲ್ಲಿ 200 ಕೋಟಿ ಹಣ ಮೀಸಲಿಟ್ಟು ಲಿಂಗತ್ವ ಮತ್ತು ಲೈಂಗಿಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮ ಸ್ಥಾಪಿಸಬೇಕು ಎಂದು ಲಿಂಗತ್ವ ಮತ್ತು ಲೈಂಗಿಕ ಬಹುತ್ವಕ್ಕಾಗಿ ಚಳುವಳಿ ಜಿಲ್ಲಾ ಸದಸ್ಯೆ ರಮ್ಯಾ ಒತ್ತಾಯಿಸಿದರು.
ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು ನಮಗಾಗಿ ರಾಜ್ಯದಲ್ಲಿ ವಸತಿ, ಹಾಸ್ಟೆಲ್ , ಶಾರ್ಟ್ ಸ್ಟೇಹೋಂ ಒದಗಿಸಬೇಕು. ಪ್ರತಿ ವರ್ಷ 500 ಮನೆ ಹಂಚಿಕೆ ಮಾಡಬೇಕು. ಟಕೃಷಿಯಲ್ಲಿ ಆಸಕ್ತಿ ಇರುವ ನಮ್ಮವರಿಗೆ ಗೋಮಾಳದಲ್ಲಿ 2 ಎಕರೆ ಗುತ್ತಿಗೆ ಆಧಾರದಲ್ಲಿ ಜಮೀನು ನೀಡಬೇಕು. ಮೈತ್ರಿ ಪಿಂಚಣಿ ಮಾಸಿಕ 2 ಸಾವಿರಕ್ಕೆ ಹೆಚ್ಚಿಸಬೇಕು. ಲಿಂಗತ್ವ ಅಲ್ಪಸಂಖ್ಯಾತರಿಗೆ ಮಾಸಿಕ 5 ಸಾವಿರ ಪಿಂಚಣಿ ನೀಡಬೇಕು. ಸರಕಾರಿ ಹುದ್ದೆಗಳಲ್ಲಿ ನಮಗೆ ಘೋಷಿಸಿದ 1% ಮೀಸಲು ಜಾರಿಯಾಗಬೇಕು.
ನಮಗೆ ಸಾರ್ವಜನಿಕ ಶೌಚಾಲಯದ ಸಮಸ್ಯೆ ಇದ್ದು ಪರಿಹರಿಸಬೇಕು. ಪೊಲೀಸ್ ನೇಮಕಾತಿ ಮತ್ತು ತರಬೇತಿಯಲ್ಲಿ ನಮ್ಮನ್ನು ಮಹಿಳಾ ವಿಭಾಗದಲ್ಲಿ ಪರಿಗಣಿಸಬೇಕು ಎಂದು ರಮ್ಯ ಆಗ್ರಹಿಸಿದರು.
ಹಾವೇರಿ ಜಿಲ್ಲೆಯ ಅನುರಾಧಾ, ಜೋಗತಿ ಸಮುದಾಯದ ಮಂಜುನಾಥ, ಸಮಾಜ ಸೇವಕಿ ಸರೋಜಾ ಬಾಕಳೆ, ಗಾಳೆಪ್ಪ ಗುಳದಳ್ಳಿ , ಅಲ್ಲಮಪ್ರಭು ಬೆಟ್ಟದೂರು ಉಪಸ್ಥಿತರಿದ್ದರು.