ಕೊಪ್ಪಳ : ಬಾಲ್ಯ ಪ್ರತಿಯೊಬ್ಬರ ಬದುಕಿನಲ್ಲಿ ಸುವರ್ಣ ಯುಗ ಇದ್ದಂತೆ ಎಷ್ಟೇ ಹಣ ಕೊಟ್ಟರು ಎಷ್ಟೇ ಸಂಪತ್ತು ಇದ್ದರು ಬಾಲ್ಯ ಮತ್ತೆ ಮರಳಿ ಬರಲ್ಲ.
ಆದರೆ ಬಾಲ್ಯಕ್ಕೆ ಕರೆದುಕೊಂಡು ಹೋಗುವ ಸಿನಿಮಾ ಬಂದಿದೆ ಅದೆ Kite ಬ್ರದರ್ಸ್. ಇದು ಬರಿ ಬಾಲ್ಯಕ್ಕೆ ಕರೆದುಕೊಂಡು ಅಷ್ಟೇ ಅಲ್ಲ ನಿಮ್ಮನ್ನ ಬಾಲ್ಯದಲ್ಲಿ ತೇಲಾಡಿಸಿ ನಗಿಸಿ ಹಗುರಾಗಿಸಿ ಕೊನೆಗೆ ಕಣ್ಣಂಚಲ್ಲಿ ಹನಿ ತರಿಸುತ್ತೆ ಈ ಸಿನಿಮಾ.
ಇದರ ನಿರ್ದೇಶಕರು ವೀರೇನ್ ಸಾಗರ್ ಬಗಾಡೆ ಹಾಗೂ ಕಾರ್ಯಕಾರಿ ನಿರ್ಮಾಪಕರು ವಿನೋದ್ ಬಗಾಡೆ. ಇಬ್ಬರು ಮೂಲತಃ ಕೊಪ್ಪಳದವರು.
Kite ಅಂದ್ರೆ ಗಾಳಿಪಟ. ನಮ್ಮ ದೇಹ ನೆಲದ ಮೇಲಿದ್ದರೂ ಗಾಳಿಪಟ ನಮ್ಮ ಆಸೆ ಕನಸು ದೃಷ್ಟಿ ಎಲ್ಲವನ್ನೂ ಆಕಾಶಕ್ಕೆ ಒಯ್ಯುತ್ತೆ. ಗಾಳಿಪಟದ ದಾರ ಮಾತ್ರ ನಮ್ಮ ಕೈಯಲ್ಲಿರಬೇಕು ಅಷ್ಟೆ.
ಇದು ಇಬ್ಬರು ಗೆಳೆಯರು ಬಾಲ್ಯದ ನೆನಪುಗಳೊಂದಿಗೆ ತಾವು ಕಲಿತ, ಕುಸಿದು ಬಿದ್ದ ಶಾಲೆಯನ್ನು ಹೇಗೆ ಕಟ್ಟುತ್ತಾರೆ ಎಂಬುದು ಒಂದು ಸಣ್ಣ ಎಳೆಯಾದರೂ ಇದು ಬರಿ ಮಕ್ಕಳು ನೋಡುವ ಸಿನಿಮಾ ಅಲ್ಲ. ಮಕ್ಕಳ ಜೊತೆ ಪಾಲಕರು ಕೂಡ ನೋಡುವ ಸಿನಿಮಾ. ಏಕೆಂದರೆ ಪಾಲಕರ ಬದುಕಿನಲ್ಲಿ ಬಾಲ್ಯ ಬಂದು ಹೋಗಿರುತ್ತಲ್ಲ !
ನವೆಂಬರ್ 21ರಿಂದ ಕೊಪ್ಪಳದ ಲಕ್ಷ್ಮಿ ಚಿತ್ರಮಂದಿರದಲ್ಲಿ ಪ್ರತಿದಿನ ಸಾಯಂಕಾಲ 6ಕ್ಕೆ , ರಾತ್ರಿ 9ಕ್ಕೆ ಶೋ ಇರುತ್ತದೆ. ನೋಡಿ ಆನಂದಿಸಿರಿ.
ವಿರೇನ್ ಬಗಾಡೆ ಮತ್ತು ವಿನೋದ್ ಬಗಾಡೆ ಕೊಪ್ಪಳದ ಕುಂಬಾರ ಓಣಿ ಶಾಲೆ, ಶ್ರೀ ಗವಿಸಿದ್ದೇಶ್ವರ ಹೈಸ್ಕೂಲ್ ನಲ್ಲಿ ಓದಿ ಬೆಳೆದು ಬೆಂಗಳೂರು ತಲುಪಿ ಚಿತ್ರರಂಗದಲ್ಲಿ ಹೆಸರು ಮಾಡುತ್ತಿದ್ದಾರೆ. ಇವರಿಗೆ ಪ್ರೋತ್ಸಾಹಿಸಿ.
------------
ಗಾಳಿಯ ಮೊರೆತಕ್ಕೆ ನಗುವ ಗಾಳಿಪಟ
ಮೋಡಗಳ ನೆರಳಲ್ಲಿ ಮಗುಚುವ ಬಣ್ಣಗಳು
ದಾರ ಹಿಡಿದ ಕೈಗಳಲ್ಲಿ ಪುಳಕ
ಹಳೆ ದಿನಗಳ ನೆನಪು, ಆ ಕಾಲದ ಕನಸು…ಈ ಗಾಳಿಪಟ !